గెలవడం కోసం ఇష్టపడి కష్టపడాలి .

 బరాక్ ఒబామా 44 ఏళ్లకే అమెరికా అధ్యక్షుడయ్యాడు . 55 ఏళ్లకు రిటైర్ అయ్యాడు .

డోనాల్డ్ ట్రంప్ 70 ఏళ్లకు అమెరికా అధ్యక్షుడయ్యాడు .

జగపతి బాబు వయస్సు 61 . గత ఐదారేళ్ళనుంచి హీరో పాత్రలకు స్వస్తి చెప్పి విలన్ పాత్రలను పోషిస్తున్నాడు .

హీరోగా చిరంజీవికే పోటీనిచ్చిన , రాజశేఖర్ 61  ఏళ్లకు అనారోగ్య సమస్యల తో బాధ పడుతున్నాడు .

హీరో సుధాకర్ తెలుగు గా, సహజంగా సినిమా ఫీల్డ్ లో ఉండే కుళ్ళుని ,  కుతంటాలని,కులవివక్షని ఎదుర్కొని గెలిచాడు. ఇప్పుడు  వయస్సు 64 . అనేక ఏళ్లుగా తీవ్ర  అనారోగ్య సమస్యలతో బాధ పడుతున్నాడు .

మహేష్ బాబు వయస్సు 48 . ఇరవై అయిదేళ్ల హీరో లాగా కనిపిస్తున్నాడు .

బాలకృష్ణ వయస్సు 63 . తన నట జీవితం లో ఎప్పుడూ లేనంత పీక్ లో ఉన్నాడు.హాట్రిక్ విజయాల్ని సాధించాడు . 

చిరంజీవి  వయస్సు 68 . కసితో మరో హిట్ కొట్టాలని ఎదురుచూస్తున్నాడు .

రజనీకాంత్ వయస్సు 74 . ఈ వయస్సులో చాలా మంది అన్ని వ్యాపకాలను మానుకొని ఇంటిపట్టున ఉండిపోతారు . ఈయన 600  కోట్ల బ్లాక్ బస్టర్ కొట్టి అభిమానుల గుండెల్లో మరో సారి జైలర్ అయ్యాడు .

తాత సూపర్ స్టార్ . తండ్రి సూపర్ స్టార్ . 

మరో స్టార్ హీరో నాగార్జున  కొడుకు అఖిల్ వయస్సు 29 y .   ఇంకా హిట్ కోసం ఎదురు చూస్తున్నాడు అఖిల్ . 

రవి తేజ 1992 సంవత్సరంలోనే నటించడం మొదలెట్టాడు . పదేళ్ల తరువాత,  35 y    వయస్సు లో తోలి హిట్ చూసాడు. .  

జీవితం ఒక సూదూర పరుగుపందెం . 

అంటే మారథాన్ రేస్ .

పదవ తరగతి , ఇంటర్ , ఎంసెట్ , క్లాట్, నీట్ , ఐఐటీ జేఈఈ,  సివిల్స్,  గ్రూప్ 1 , 2 , పెళ్లి , వ్యాపారం , జాబ్ .. లాంటివి  వంద మీటర్ ల పరుగుపందేలు .

 గెలిస్తే బాగుటుంది .

 గెలవడం కోసం ఇష్టపడి కష్టపడాలి . 

కానీ .. వాటిలో గెలిస్తే జీవితం సెటిల్ అయిపోయినట్టు కాదు .

IAS , IPS లాంటి సర్వీస్ లు సాధించి రిటైర్మెంట్  వయసులో కూడా ట్రోలింగ్ కు గురవుతున్న వారిని చూస్తున్నాము . { వారు మాట్లాడింది సరైందా?  కాదా? వారిని ట్రోలింగ్ చేయడం న్యాయమా ? అనే చర్చ లోకి ఇక్కడ వెళ్లడం లేదు . గమనించగలరు }.

పాట ఆగకూడదు ..  ఆట ఆగకూడదు 

బహుదూరపు బాటసారి !

పేరుగెత్తాలి . ప్రతి రోజు .. ప్రతి గంట .. పరుగెత్తాలి .

మారథాన్ రేస్ లో  వంద మీటర్ ల పరుగుపందెం లో పరుగెత్తినట్టు ఊపిరి బిగబట్టి పరిగెత్తితే త్వరగా  అలసిపోతావు  . 

నింపాదిగా ప్రతి నిముషాన్ని...  గంటని...  ఎంజాయ్ చేసూ పరుగెత్తాలి .

  రేస్ లో ఉన్నామని గుర్తుంచుకోవాలి .

 చాలా మంది ఒక సక్సస్ సాధించిన వెంటనే" ఇంకేంటి లైఫ్ లో గెలుపొందాము"  అనుకొని పరుగును ఆపేస్తారు .

 ఆత్మ హత్య చేసుకొన్న ఐఏఎస్ ల ను చూసాము . ఐఐటీ విద్యార్థుల ఆత్మ హత్యలు చూస్తున్నాము .

ఊహ తెలిసినప్పటినుంచి తుది శ్వాస దాక మారథాన్ ను సాగించాలి ." రిటైర్ అయ్యాను! నాకేంటి పెన్షన్ వస్తుంది "అని  సంతోషంగా ఇంటిపట్టునే కూర్చుంటాను అనుకుంటే మానసిక రొగ్య సమస్యలు వచ్చే అవకాశం ఉంది . 

చేస్తున్న పని ని ఎంజాయ్ చేస్తూ జీవనం సాగించాలి .

ఒక పరీక్షలో లేదా వరుసగా పది పరీక్షల్లో ఫెయిల్ అయినంత మాత్రాన జీవితం ముగిసినట్టు  కాదు . చిరంజీవికి కు ఒక దశలో ఎన్ని ప్లాప్ లో వచ్చాయి తెలుసా ?

ఎవరూ విజేతలు కారు .. పరాజితులూ కారు .

ఎన్నో సాధించిన వారు కూడా అరవై- డెబ్భై ఏళ్ళ వయసులో వచ్చే  అనారోగ్యం , పిల్లల ప్రవర్తన వల్ల కలిగే బాధల్ని, అవమానాల్ని ఎదుర్కొని , తట్టుకొని నిలబడి జీవితం లో విజయాన్ని చవిచూచి ఆనందించేవారు ఎందరో !

జీవితంలో చదువు, ఉద్యోగం/వ్యాపారం, పిల్లలు, తల్లితండ్రులు , ఆరోగ్యం కూడా ముఖ్యమే . దీనిలో ఏది ఫెయిల్ అయినా జీవితం నరకం .

జీవితం ఒక విస్తరి . రుచి బాగుంది అని లడ్డునే కడుపునిండా తినరు కదా .   ప్రణాళిక ఉంది, పోరాటం చేస్తే కష్టాల్ని  గ్లూకోస్ గా గా తీసుకొంటూ  ...  అవమానాల్ని షూస్ గా  వేసుకొని పరుగు   సాగించాలి .

 అపజయానికి మించిన గురువు లేదని గ్రహించాలి. 

నిన్నటి కంటే నేడు బాగుండాలి . రేపటి కంటే ఎల్లుండి బాగుండాలి .  

నీ జీవితానికి నువ్వే హీరో / హీరోయిన్ . వేరొకరితో పోలికెందుకు?

ఇహలోక కుబేరుడు అంబానీ నేడు బ్లాక్ మైలర్స్ థ్రెట్ ను ఎదురుకొంటున్నాడు .

మంత్రులు తుపాకి నీడలో బతుకుతున్నారు .

హీరో లు హీరోయిన్ లు సెలబ్రిటీ లు .. నీలా రైల్వే స్టేషన్ కు బస్టాండ్ కు పార్క్ కు .. టూర్ కు పోగలరా ? వారు పంజరం లో పక్షులు . అదృష్టం నీదా? వారిదా ?

 మన ఆలోచనే మన జీవితం .

ఎందుకు పుట్టావో ఎందుకు మరణిస్తావో తెలియదు . అది నీ చేతిలో లేదు.   ఈ దూరపు ప్రయాణం నీచేతిలోనే , ముళ్లబాటలోనాఅనేది నీవే నిర్ణయించుకోవాలి. 

బలే మంచి రోజు .. పసందైన రోజు .. వసంతాలు పూచే రోజు అను సాగాలి, 

 అది నీ చేతిలోనే ఉంది.

 ఈ  లోకం  నీ ముందు నిలిచిన అద్దం.

ఓ బాటసారి ! 

ఈ మాటల్ని మరువకోయి !